Sisindiran, Pantun Sunda
Aya hurang ditiiran
Aya meri di tanjakan
Hayu urang sisindiran
Suka seuri gogonjakan
Ulah naek mobil sedan
Lamun arek ka Cilawu
Ulah daek ka si Dadan
Manuk hurang eukeur mumbul
Eunteupna na tangkal waru
Si Gilang daharna gembul
Beuteungna sagede nyiru
Meuli suling di Cipadung
Rek nembang di Pangalengan
Kota kuring kota Bandung
Kota kembang panineungan
Ngala hurang wanci lohor
Ngala saga pikeun ubar
Kota urang tangtu sohor
Lamun wargana motekar
Ka Cirata poe senen
Mawa impugn dina korang
Orang kota harus keren
Meskipun tak punya uang
Ka Cipayang mawa doran
Ka kulah rek kokoyokan
Lamun haying sisindiran
Ulah ambek dipoyokan
Meuli toge reujeung koya
Meuli sandal warna hejo
Manehna ge ceunah gaya
Padahal waosna hejo
Aya Cina dagang petis
Hanjakal sok di tahuan
Rina hayang jadi artis
Hanjakal osok lehoan
Mun nyaba Ka Cihanjuang
Kudu mawa lilisungan
Mun nyaah ka kota urang
Kudu miara lingkungan
Mawa hurang ka Pananjung
Meuli minyak dina botol
Kota urang bakal nanjung
Lamun rahayatna getol
Ka Cirata mawa pacul
Balikna rek tumpak delman
Orang kota harus gaul
Tidak ketinggalan zaman
Meuli keju wanci lohor
Meuli toge reujeung peuyeum
Eta baju meni logor
Pastina ge meunag nginjeum
Ka Cibogo meuli kaset
Balikna rek tumpak sado
Kabogoh teuing ku kasep
Gantengna lir Rano Karno
Dina panto aya kuya
Rek dicolok mun teu poho
Ieu tato lain gaya
Ngarah borok teu ka tempo
Mawa angeun ti Cikuya
Mawa sandal ti Cikokol
Baju anjeun memang gaya
Hanjakal meuli ti Cimol
Ka Cibogo kedah janten
Kade hilap nyandak cau
Kabogoh abdi ge ganteng
hanjakal awakna bau
aya roda na tanjakan
sidik pisan sidik pisan
nyai teh bogoh ka akang
Cikaracak ninggang batu
laun-laun jadi legok
tai cakcak ninggang huntu
laun-laun nya dilebok
Cikaracak ninggang batu
laun-laun jadi legok
cai …. ninggang ….
laun-laun jadi orok
Kembang cula kembang tanjung
kembang sagala domdoman
rek sabulan rek sataun
moal weleh diantosan
Aya roda na tanjakan
katinggang ku pangpung jengkol
aya randa gogoakan
katinggang ku hulu botol
Jauh jauh manggul awi
nyiar-nyiar pimerangeun
jauh-jauh neang abdi
nyiar-nyiar pimelangeun
Aya listrik di masigit
caangna ka Pabrik Kina
Aya istri jangkung alit
hanjakal teu di calana
Manuk ciung na pisitan
buah nona aratah keneh
dicium kunu kumisan
si nona kalahka jebleh
| Aya listrik di masigit caangna ka pabrik Kina Aya istri jangkung alit éndahna kabina-bina Baju hideung kancing tangan dikaput ku mérang awi Nu hideung matak teu nangan sing émut ka diri abdi Baju soéh tatambalan kaput gedé jarumatna Daék sotéh ngawulaan lamun hadé rumawatna Baju tablo dibulao kembangna katuncar mawur Ari bogoh ti baréto terang-terang geus ku batur Batu turun keusik naék kalapa tonggoheunana Itu purun ieu daék sarua bogoheunana Béak daun béak randu unggal poé dibikeunan Béak taun béak windu moal weleh dileukeunan Boboko ragrag ti imah ninggang kana pileuiteun Nya bogoh ulah ka semah ari balik sok leungiteun Bubuy bulan sangray béntang panonpoé disasaté unggal bulan abdi téang unggal poé ogé hadé Carulang dipahpal kuda héjo deui héjo deui Rék mulang samar kaduga nénjo deui nénjo deui Cau ambon dikorangan kanyéré ka pipir-pipir Lalaki ambon sorangan awéwé teu mikir-mikir Cukleuk leuweung cukleuk lamping jauh ka sintung kalapa Lieuk deungeun lieuk lain jauh ka indung ka bapa Deungkleung déngdék deungkleung déngdék buah kopi raranggeuyan Ingkeun ieu anu déwék ulah pati diheureuyan És lilin buatan Bandung dicandak ka Cipaganti abdi isin bararingung sok inggis henteu ngajadi Itikurih Béntang Sinar maén di lapang Cicéndo Nyeri peurih kunu anyar matak henteu hayang nénjo Itu saha nungtun munding digantélan saputangan Itu saha ginding teuing singhoréng geuning jungjunan Jeruk lemo jeruk butun diteundeun di ruyuk kaso Tilam sono ka nu ngantun sampeureun isuk pagéto Kamana ngaitkeun kincir ka kalér katojo bulan Kamana ngaitkeun pikir moal palér ku sabulan Kapinis ulah disumpit tangkal muncang ngarangrangan Ieu nulis badé pamit duakeun ti kaanggangan Karinding palapah kawung ditiup ku nu paranti Nu ginding ulah mangpaung sing émut ka diri abdi Kaso pondok kaso panjang kaso ngaroyom ka jalan Sono mondok sono nganjang sono patepang di jalan | Kembang goyang jeung érmawar pacampur jeung kacapiring Hariwang réa kakelar tagiwur teu genah cicing Lampuyang nu cocongoan bawaeun ka Rajagaluh Ku hayang nya sosonoan isuk mah urang pajauh Leuleupeutan leuleuweungan ngarah kékéjoanana Deudeukeutan reureujeungan ngarah téténjoanana Majar manéh nganyam samak neukteukan bari motongan Majar manéh néang anak ngadeukeutan popotongan Meuncit meri dina rakit boboko wadah bakatul Lain nyeri ku panyakit kabogoh direbut batur Ngala antanan ka jami cau emas tengah huma Kahayang ulah rék lami geura unjukan ka Ama Ngalantung mulungan tanjung bari metik nagasari baringung pikir mangpaung ati ceurik jeung rarisi Ngaput baju kurang benang gantian ku kantéh baé Mun panuju geura téang kuring mah rék daék baé Ngimpi ngajul kembang tanjung ngimpi ngala nagasari Ngimpi tepung jeung nu jangkung tara-tara ti sasari Pileuleuyan cangkang béas huut sajeroning kéjo Pileuleuyan urang ikhlas imut sajeroning nénjo Pileuleuyan daun pulus kararas daun katimpang Pileuleuyan ulah tulus masing ras ka nu di tukang Pucuk tiwu akar bangban amis mata disusukan Mun rék milu geuwat dangdan cimata geura susutan Rayagung tanggal sapuluh kasungka reujeung maléla Abdi burung mun teu tulus kasuka da ti baheula Reundeu beureum reundeu hideung reundeu kayas solempangan Beuki heubeul beuki nineung beuki lawas kaédanan Rincik-rincik hujan leutik paralak hujan tambaga Nilik-nilik mojang leutik teu terang aya nu boga Samping hideung dina bilik kumaha nuhurkeunana Abdi nineung ka nu balik kumaha nuturkeunana Saninten buah saninten dibantun ka parapatan Hapunten abdi hapunten tangtos seueur kalepatan Sayang kaak diarengan diasupkeun kana peti Hayang angkat sasarengan bati gegetun nya ati Talingtung talina benang mobil beureum diguratan Satungtung teu acan beunang moal eureun disuratan |
Pantun/Sisindiran Idul Fitri
- 1. ngaborong doran jeung hayam
diparaban sampeu atah
wilujeng boboran siam
mugi urang wangsul fitrah - 2. boh bilih ngical kalapa
candakna nganggo carangka
boh bilih kalindih murka
muga kersa ngahampura - 3. boh bilih ka Sukajadi
ulah hilap meser roti
boh bilih kalangsu dengki
muga kersa ngamaklumi - 4. salami di Sukajadi
teu ningalkeun kuring salat
Salami urang pahiri
urang silih pundut maaf - 5. lamun kuda mirip itik
loba jalma lalumpatan
salami urang kumelip
tangtos seueur kalepatan - 6. cecendet mande kiara
dijualan make panci
mugi kersa ngahampura
kuring kungsi ingkar janji - 7. mun cecendet mande kiara
gera cokot hiji-jiji
mugi kersa ngahampura
kuring kungsi nganyenyeri - 8. mun indit ka Sukmanah
ulah poho ka Pa Lurah
mugi anjeun jembar manah
sabab kuring niat pasrah - 9. hirup kumbuhna manusa
tangtu kungsi haramjadah
kuring pasrah tumarima
laku lampah teu merenah - 10. meuli kacu ejeung gincu
mawana bari disuhun
rumasa ngagugu nafsu
matak kuring nyuhun ampun - 11. mun indit ka Ujungberung
bari mawa awi tali
rumasa kungsi ngaberung
mugi Gusti kersa nampi
Ditulis Oleh : Unknown ~ Sebagai Admin Blog Herangmata
Sobat sedang membaca artikel tentang Sisindiran.Terimakasih Telah Berkunjung di Blog Herangmata, Kritik dan Saran Yang Membangun Sangat di Perlukan Agar Content dan Tampilan Blog ini Menjadi Baik.
Tidak ada komentar:
Posting Komentar